ഉത്തരാ ജ്യോതിഷ ഗവേഷണകേന്ദ്രം

ഞങ്ങളുടെ അഭിവന്ദ്യ ഗുരുനാഥനായ ബ്രഹ്മശ്രീ പരമേശ്വരൻ നമ്പൂതിരിയുടെ (മുൻ ശബരിമല മേൽശാന്തി, ഇപ്പോൾ ആലപ്പുഴ തോണ്ടൻകുളങ്ങര മഹാദേവക്ഷേത്രം മേൽശാന്തി) പാദാരവിന്ദങ്ങളിൽ, അനിൽ വെളിച്ചപ്പാടൻ എന്ന ഈ എളിയ ജ്യോതിഷ-വാസ്തു-താന്ത്രിക ഉപാസകൻ ‘ഉത്തരാ ജ്യോതിഷ ഗവേഷണകേന്ദ്രം’ എന്ന പ്രസ്‌ഥാനത്തെ സസന്തോഷം സമർപ്പിച്ചുകൊണ്ട് ഇവയെല്ലാംതന്നെ ഉത്തമ വിശ്വാസികൾക്കായി സമർപ്പിച്ചുകൊള്ളുന്നു…

“കൃത്യമായ ജ്യോതിഷപ്രവചനം; ലളിതമായ ദോഷപരിഹാരം” എന്ന ചിന്തയിൽ നിന്നും ഉദയംചെയ്ത ഉത്തരാ ജ്യോതിഷ ഗവേഷണകേന്ദ്രം പതിനഞ്ചാംവർഷത്തിലേക്ക് കടക്കുമ്പോൾ ഇന്ന് നിരവധി വിശ്വാസികൾക്ക് വഴികാട്ടിയായി ഗുരുസ്‌ഥാനത്തേക്ക് മാറിയിരിക്കുന്നുവെന്നത് ഞങ്ങളുടെ ഗുരുകടാക്ഷമെന്നല്ലാതെ മറ്റൊന്നും പറയാനില്ല.

“പ്രാർത്ഥിക്കാൻ നിങ്ങൾക്ക് മനസ്സുണ്ടെങ്കിൽ പിന്നെ ഇടനിലക്കാരുടെ ആവശ്യമില്ല” എന്ന ഉത്തരാ ജ്യോതിഷ ഗവേഷണകേന്ദ്രത്തിന്റെ കാഴ്ചപ്പാടുകൊണ്ട് ഒട്ടനവധി വിശ്വാസികൾ മന്ത്രോച്ചാരണത്താൽ പൂജയെക്കാളും ഹോമങ്ങളെക്കാളും ഫലപ്രാപ്തി നേടിയിരിക്കുന്നു. അതിനർത്ഥം, അർപ്പണമനോഭാവമുണ്ടെങ്കിൽ പലതും നമുക്ക് നേടാൻ കഴിയുമെന്നുതന്നെയാണ്.

യന്ത്രങ്ങളുടെ ആചാരപ്രകാരമുള്ള നിർമ്മാണം, ഫലപ്രാപ്തി എന്നിവ വിശദമായി പ്രതിപാദിച്ചുകൊണ്ടുള്ള ഏറ്റവും മികച്ച ലേഖനത്തിന് ബഹുമാനപ്പെട്ട മന്ത്രിയിൽ നിന്നും തന്ത്രശാസ്ത്രത്തിനുള്ള അവാർഡ്, വിവാഹപ്പൊരുത്തം, പാപസാമ്യം, മുഹൂർത്തം എന്നിവയെക്കുറിച്ചുള്ള ഏറ്റവും മികച്ച ലേഖനത്തിന് ബഹുമാനപ്പെട്ട മന്ത്രിയിൽ നിന്നും ജ്യോതിഷത്തിനുള്ള അവാർഡ്, ചൊവ്വാദോഷം എന്നൊരു ദോഷമില്ലെന്നും ഭാരതത്തിൽ നാളിതുവരെ ഒരു ആചാര്യനും അപ്രകാരമൊരു ഗ്രന്ഥം രചിച്ചിട്ടില്ലെന്നും ടെലിവിഷൻ ചർച്ചയിൽ അസന്നിഗ്ദ്ധമായി പറഞ്ഞതും ഏറ്റവും മികച്ച ജ്യോതിഷ സോഫ്റ്റ്‌വെയറുകൾ ലഭിക്കുന്ന ഈ കാലഘട്ടത്തിൽ ‘ജ്യോതിഷദീപ്തി’ എന്ന ലോകോത്തര ജ്യോതിഷ സോഫ്റ്റ്‌വെയറിന്റെ കൺസൽട്ടൻറ് ആസ്‌ട്രോളാജറായി പ്രവർത്തിച്ചുകൊണ്ട് ഏറ്റവും ഫലപ്രാപ്തിയുള്ള സോഫ്റ്റ്‌വെയർ ജ്യോതിഷ വിശ്വാസികൾക്ക് നൽകാൻ കഴിയുന്നതും മുതൽക്കൂട്ടും ഗുരുനാഥന്മാരുടെ അനുഗ്രഹവും കൊണ്ടാണെന്ന് പറയാതെ വയ്യ.

ജ്യോതിഷ-വാസ്തു-തന്ത്രശാസ്ത്ര രംഗത്ത് കലർപ്പില്ലാത്ത സംഭാവനകൾ നൽകാൻ ഉത്തരാ ജ്യോതിഷ ഗവേഷണകേന്ദ്രത്തിന് കഴിയണമേയെന്ന് പ്രാർത്ഥിച്ചുകൊണ്ടും ഏവരുടെയും അനുഗ്രഹവും ആശീർവാദവും പ്രതീക്ഷിച്ചുകൊണ്ടും….

Anil Velichappadan